Метрология и технические измерения отрасли: Лабораторный практикум, страница 18

3. Усталяваць на магазіне, імітуючым «мокры» тэрмарэзістар, супраціўленне, адпаведнае пачатку шкалы 1 дыяпазону – 2793 Ом;

4. Пераменным супраціўленнем R₁₁ вывесці стрэлку на адзнаку 10%;

5. Устанавіць пераключальнік «кантроль / вымярэнне» у стано-вішча «вымярэнне»;

6. Уключыць тумблер падачы сціснутага паветра і ўстанавіць дроселем на ўваходзе ў эжэктар ціск, роўны 0,08±0,005 Мпа;

7. Зняць паказанні прыбора і параўнаць значэнне адноснай віль-готнасці па вільгацямеры з паказаннямі іншых прыбораў (псіхрометра на аснове двух спіртавых тэрмометраў).

5.2. Змест справаздачы

Справаздача па дадзенай рабоце павінна ўключаць: кароткі змест работы; тэхнічныя характарыстыкі сродкаў вымярэння і паверкі; характарыстыка метадаў вымярэння вільготнасці; прынцыповая элек-трычная схема вільгацямера і схема паверкі; эксперыментальныя і раз-ліковыя даныя для вызначэння абсалютнай хібнасці вільгацямера; эксперыментальныя даныя адноснай вільготнасці навакольнага павет-ра; вывады.

Кантрольныя пытанні

1. Якія метады вымярэння вільготнасці існуюць?

2. У чым сутнасць псіхраметрычнага метаду вымярэння вільгот-насці?

3. Якія элементы выкарыстоўваюць у якасці тэрмометраў?

4. У чым заключаецца прынцып работы вільгацямера АПВ-201?

5. У чым сутнасць паверкі вільгацямера?

ДАСЛЕДАВАННЕ МЕТРАЛАГІЧНЫХ ХАРАКТАРЫСТЫК ПРЫБОРАЎ З ДЫФЕРЭНЦЫЯЛЬНА-ТРАНСФАРМАТАРНАЙ ВЫМЯРАЛЬНАЙ СХЕМАЙ

Мэта работы: азнаямленне з прынцыпам работы дыферэнцы-яльна-трансфарматарных пераўтваральнікаў і метралагічнымі харак-тарыстыкамі вымяральных прыбораў, якія працуюць у камплекце з імі.

6.1. Агульныя звесткі

Для дыстанцыйнай перадачы вымяральнай інфармацыі шырока выкарыстоўваюць электрычныя сістэмы з электрамеханічнымі пера-ўтваральнікамі, ўваходная электрычная велічыня якіх вызначаецца становішчам іх рухомых частак. Такія пераўтваральнікі разам з прас-татой прылады і высокай надзейнасцю дазваляюць пераўтварыць шматлікія тэхналагічныя параметры ў электрычны сігнал. Да такіх па-раметраў адносяцца: лінейнае і вуглавое перамяшчэнне, хуткасць і паскарэнне перамяшчальных вырабаў, ціск, разрэджанне, расход, узровень вадкасці і г. д.

Вялікае распаўсюджванне ў сістэмах дыстанцыйнага кантролю атрымаў дыферэнцыяльна-трансфарматарны пераўтваральнік (ДТП), які ўяўляе сабою два сумешчаныя трансфарматары з агульным ру-хомым якарам (мал. 6.1).

Мал. 6.1. Агульны выгляд цыліндрычнага ДПТ (а) і схема злучэння яго абмотак (б)

Прынцып дзеяння ДПТ заснаваны на змяненні ўзаемаіндук-тыўнасці дзвюх сістэм абмотак пры перамяшчэнні элемента магніта-проваду.

На пластмасавай шпульцы размешчаны адна першасная W₁  і дзве другасныя  W₂, W₃  абмоткі. Шпулька змешчана ў цыліндрычны сталёвы кажух-магнітапровад для аховы ад знешніх магнітных палей. Першасная абмотка размешчана раўнамерна па ўсёй даўжыні шпулькі. Да яе канцоў 1 і 2 падводзіцца напружанне сілкавання пераменнага току. Другасныя абмоткі выкананы ў выглядзе секцый, кожная з якіх займае палову шпулькі па даўжыні, мае аднолькавы лік віткоў і ўключана сустрэчна.

У сярэдзіне шпулек знаходзіцца плунжэр 2з магнітамяккага жалеза, які па даўжыні менш шпулькі. Праз шток Ш плунжэр звязаны з адчувальным элементам, перамяшчэнне якога залежыць ад вымя-раемага  параметра.

Пры сілкаванні абмоткі W₁ пераменным напружаннем U ствара-ецца магнітны струмень Ф₁, які ахоплівае абедзве другасныя абмоткі і струмені Ф₂ і Ф₃, звязаныя з абмоткамі W₂ і W₃  адпаведна.

У другасных абмотках індуцыруецца ЭРС.

E₂ = 4,44f W₂(Ф₁ + Ф₂)  и E₃ = 4,44f W₃(Ф₁ + Ф₃), дзе f – частата сілкавальнай сеткі; W₂, W₃ – лік віткоў адпаведных абмотак.

Калі плунжэр 2 знаходзіцца ў сярэднім становішчы, то ЭРС Е₂ = Е₃ і пры паслядоўным і сустрэчным злучэннях другасных абмотак на зацісках 3 і 4 напружанне будзе роўна нулю, г. зн.

∆Е = Е₂ - Е₃ = 0.

Калі плунжэр зрушыцца з сярэдняга становішча, роўнасць Ф₂ = Ф₃ парушыцца, і на зацісках 3 і 4 з’явіцца выніковая ЭРС. Зна-чэнне яе будзе залежыць ад велічыні зрушэння плунжэра, а фаза – ад накірунку яго зрушэння.