Методыка вызначэння паспяховасці вучняў агульна-адукацыйнай школы па прадмеце “Фізічная культура”, страница 2

Перадача і засваенне ведаў – працэс пераважна інтэлектуальны. Ён звязаны з успрыманнем, уяўленнем, памяццю і іншымі псіхічнымі працэсамі. Вынікам яго з’яўляюцца сфарміраваныя паняцці,  уяўленні, засвоеные веды. Веды моцна ўплываюць на паводзіны чалавека праз фарміраванне  перакананняў, патрэбнасцяў і матываў дзейнасці.

Навучанне рухам - працэс рухальна-інтэлектуальны. Ён звязаны з фарміраваннем ведаў і ўяўленняў аб рухах і здольнасцю да ўзнаўлення рухаў. Вынікам працэса навучання рухам з’яўляюцца рухальныя ўменні і навыкі.

Павышэнне ўзроўня фізічнай падрыхтаванасці - працэс рухальна-фізіалагічны. Ён звязаны з развіццём фізічных якасцей, якое дасягаецца ў выніку рухальнай актыўнасці за кошт павышэння функцыянальных магчымасцей арганізма і яго сістэм. Вынікам развіцця фізічных якасцей з’яўляецца павышэнне ўзроўня сілы, вынослівасці, хуткасці, спрытнасці і гнуткасці, а таксама павышэнне ўзроўню фізічнай падрыхтаванасці ў самых розных фізічных практыкаваннях.

Такім чынам, для ацэнкі ўзроўня сфарміраванасці фізічнай культуры вучня адпаведна Комплекснай праграмы па фізічнай культуры неабходна ацаніць:

-  ступень засваення  фізкультурных ведаў;

-  сфарміраванасць рухальных уменняў і навыкаў;

-  узровень фізічнай падрыхтаванасці;

-  стараннасць.

Усе гэтыя кампаненты фізічнай культуры вучня падлягаюць безупыннаму, аб’ектыўнаму і комплекснаму ацэньванню на ўроках фізічнай культуры. Па выніках такога ацэньвання вы-стаўляюцца бягучыя адзнакі. Дзеля гэтага прадэманстраваныя вучнямі вынікі параўноўваюць з адпаведнымі крытэрыямі. Пры гэтым важна захаваць аптымальны баланс бягучых адзнак за розныя кампаненты фізічнай культуры вучня.

На наш погляд, было б пажадана, каб на працягу чвэрці вучань атрымаў 1-2 адзнакі за веды, 3-4 адзнакі за рухальныя ўменні і навыкі,  1 адзнаку (у 1-й і 4-й чвэрцях) за агульную фізічную падрыхтаванасць (па суме пяці абавязковых тэстаў), яшчэ 1-2 адзнакі за ўзровень фізічнай падрыхтаванасці ў практыкаваннях, для якіх распрацаваны вучэбныя нарматывы і, нарэшце, адну адзнаку за стараннасць.

Адзнака  за чвэрць па прадмету “Фізічная культура” выстаў-ляецца на падставе бягучых адзнак і адлюстроўвае стан сфармі-раванасці фізічнай культуры вучня на канец чвэрці. Фрагмент ведамасці для ўліку бягучых адзнак і вывядзення на іх падставе  адзнакі за вучэбную чвэрць паказан у Табл.1

Адзнака за навучальны год па прадмету “Фізічная культура” выстаўляецца на падставе адзнак за чвэрць і адлюстроўвае стан сфарміраванасці фізічнай культуры вучня на канец года. У сувязі з гэтым прыярытэт аддаецца адзнацы, атрыманай ў апошняй чвэрці. Прыкладам, калі вучань атрымаў у першай чвэрці адзнаку “4”, у другой – “5”, у трэцяй – “4”, у чацвертай – “5”, то можа быць выстаўлена выніковая гадавая адзнака “5”.

Табліца 1.

Фрагмент ведамасці для вывядзення на падставе бягучых адзнак адзнакі за вучэбную чвэрць