Змест і арганізацыя метадычнай работы з настаўнікамі беларускай мовы і літаратуры

студзеня 2014 года – навучальныя курсы (тэматычны семінар) для настаўнікаў беларускай мовы і літаратуры гімназій, ліцэяў, ВПК, школ «Аўтарская сістэма выкладання лаўрэата конкурсу “Настаўнік года 2009” Г.А. » (на платнай аснове навучання);

12 – 13 сакавіка 2014 года – навучальныя курсы (тэматычны семінар) для членаў рэспубліканскай творчай групы «Выкарыстанне электронных адукацыйных рэсурсаў у працэсе выкладання беларускай мовы і літаратуры» (сумесна з Навукова-метадычнай установай «Нацыянальны інстытут адукацыі»);

Май 2014 года – семінар-нарада для метадыстаў ІРА «Каардынацыя дзейнасці структур дадатковай адукацыі дарослых па арганізацыі метадычнай работы з настаўнікамі беларускай мовы і літаратуры».

Дадатак 1

Прыкладная адукацыйная праграма навучання для метадычных фарміраванняў настаўнікаў беларускай мовы і літаратуры  (навучанне ў арганізацыі)

Тэма: Сучасныя патрабаванні да ўрока беларускай мовы і літаратуры як асноўнай формы навучання.

Мэтавая аўдыторыя: настаўнікі беларускай мовы і літаратуры са стажам да 3 гадоў.

Мэта: удасканаленне прафесійных навыкаў педагогаў у праектаванні   ўрокаў беларускай мовы і літаратуры.

Задачы:

вызначыць асноўныя патрабаванні да сучаснага  ўрока беларускай мовы (літаратуры); удасканальваць уменні ў праектаванні і правядзенні ўрока;

садзейнічаць развіццю ўменняў рэфлексіі педагагічнай дзейнасці.

Плануемыя вынікі: у выніку асваення дадзенай адукацыйнай праграмы настаўнікі беларускай мовы і літаратуры будуць ведаць зыходныя тэарэтычныя пазіцыі, якія ляжаць у аснове ўрока; будуць  умець вызначаць ключавыя моманты для мадэлявання эфектыўнага ўрока беларускай мовы (беларускай літаратуры) і змогуць прымяніць набытыя веды на практыцы, правесці аналіз і самааналіз урока.

Формы арганізацыі заняткаў: тэарэтычныя і практычныя заняткі ў рамках школы маладога настаўніка ці ўдасканалення педагагічнага майстэрства.

Асноўны змест

Адзінства навучання, выхавання і развіцця як зыходная ідэя пабудовы ўрока.Пастаноўка мэт і задач урока. Спосабы і прыёмы ўключэння вучняў у працэс мэтавызначэння. Асноўныя патрабаванні да адбору зместу вучэбнага матэрыялу. Акрэсліванне апорных ведаў і ўменняў вучняў, якія фарміруюцца на дадзеным вучэбным матэрыяле. Вызначэнне эфектыўных метадаў і прыёмаў навучання для рэалізацыі пастаўленых мэт і задач. Формы арганізацыі пазнавальнай дзейнасці вучняў. Кіраванне вучэбна-пазнавальнай дзейнасцю вучняў. Падбор аптымальных сродкаў навучання. Арганізацыя дзейнасці па карэкцыі ведаў і ўменняў вучняў, па развіцці ў іх навыкаў самакантролю і самаацэнкі.

План правядзення:

Навукова-метадычны блок – вызначэнне і абмеркаванне асноўных патрабаванняў да сучаснага ўрока беларускай мовы (літаратуры), асноўных падыходаў да яго мадэлявання.

Вучэбна-метадычны блок – прагляд відэаўрокаў, наведванне адкрытых урокаў і іх аналіз.

Практычны блок – распрацоўка плана-канспекта (тэхналагічнай карты) урока, правядзенне ўрока, аналіз і самааналіз урока.

У дапамогу настаўніку і метадысту

Дыягнастычная карта ацэнкі ўзроўню сфарміраванасці педагагічных уменняў педагога*